बालभारती कडून पूरग्रस्त विद्यार्थ्यांना मोफत पुस्तके

कोल्हापूर आणि सांगली जिल्ह्यातील पूरग्रस्त भागातील विद्यार्थ्यांना बालभारतीने मोफत पुस्तके दिली जाणार आहेत. शिक्षण मंत्री आशिष शेलार यांनी याची ट्विटरवरून माहिती दिली. पूरग्रस्त भागातील विद्यार्थ्यांना तत्काळ पुस्तके उपलब्ध करून द्यावीत तसेच गणवेश सक्ती करण्यात येऊ नये अशा सूचना आशिष शेलार यांनी नुकत्याच केल्या होत्या. शिक्षणमंत्र्यांच्या सूचनेनंतर बालभारतीने पूरग्रस्त भागातील विद्यार्थ्यांना तातडीने मोफत पुस्तकाचे वाटप केले.


राज्यातील अतिवृष्टीचा फटका विद्यार्थ्यांना बसला असून पुरामुळे त्यांच्या शालेय साहित्याचे नुकसान झाले आहे. त्यामुळे पूरग्रस्त भागातील विद्यार्थ्यांना शाळेने गणवेश सक्ती करू नये, अशा सूचना शिक्षणमंत्री आशिष शेलार यांनी शिक्षणाधिकाऱ्यांना दिल्या होत्या. कोल्हापूर, सांगली जिल्ह्यातील अनेक गावांत पाणी शिरल्याने घरांचे प्रचंड नुकसान झाले आहे. घरातील सामान, विद्यार्थ्यांचे शैक्षणिक साहित्यांचे नुकसान झाले आहे. त्यामुळे पूरग्रस्त विद्यार्थ्यांना शासनाकडून तातडीने पाठ्यपुस्तके मोफत उपलब्ध करून देण्यात येणार असल्याची माहिती सुद्धा शेलार यांनी दोन दिवसांपूर्वी ट्विटरवरून दिली होती

LEAVE A REPLY

Please enter your comment!
Please enter your name here